ՀՀ վարչապետի պաշտոնակատար, «Իմ քայլը» դաշինքի առաջնորդ Նիկոլ Փաշինյանն այսօր Արթիկում նախընտրական քարոզարշավի ժամանակ, անդրադառնալով «Սասնա ծռեր» համահայկական կուսակցության այն հայտարարությանը, թե երկու տարի անց կրկին արտահերթ ընտրություններ պետք է կազմակերպվեն, ասաց. «Էդ դուք իրոք որոշե՞լ եք, որ ձեզ իրավունք է տրված որոշել խորհրդարանի ու երբեմն նույնիսկ մարդկանց կյանքի չափե՞րը: Ես ձեզ ասում եմ՝ հանկարծ չշշկռվեք, սա ձեզ համար Սերժ Սարգսյանի թուլամորթ ու թուլակամ իշխանությունը չէ»:
Նա նշեց, որ այդպիսի մի քանի դեպք եղել է, և այդպես մտածողները «համտեսել են ասֆալտի համը», և ինքը ոչ մեկին խորհուրդ չի տա գնալ այդ ճանապարհով:
