«The No Smoking Orchestra» խմբի, որի անդամներից մեկը ռեժիսոր Էմիր Կուստուրիցան է,  Փարիզում տեղի ունեցած համերգը բացել է Ռուսաստանի հիմնի կատարմամբ: Ներկաներից ոմանք  հիմնը լսել են հոտնկայս: Այս մասին հաղորդում է «RT»-ն:

Կուստուրիցայի պրոդյուսերը նման ընտրությունը բացատրել է այն հանգամանքով, որ Ռուսաստանի հիմնը գեղեցիկ է և դուր է գալիս երաժիշտներին:

Կուստուրիցայի «Հարդագողի ճանապարհով» նոր ֆիլմը ընգրկված չէ Կաննի կինոփառատոնում: Ժյուրին  իր մերժումը հիմնավորել է  այն փաստով, որ ֆիլմը  սահմանված ժամկետից ուշ է ներկայացվել, ինչի պատճառով էլ  այն դիտելու ժամանակ չեն ունեցել:

Ինքը Կուստուրիցան կարծում է, որ մերժումը կապված է իր՝ Ռուսաստանի հետ լավ հարաբերություններ ունենալու փաստով: Ռեժիսորը նշել է, որ ուշացած ժամկետները նախկինում երբեք կինոփառատոնին մասնակցելու մերժման պատճառ չեն դարձել:

Փարիզյան համերգը տեղի է ունեցել Կաննի կինոփառատոնի մասնակիցների անունների հրապարակման հաջորդ իսկ օրը:

Vesti.am