ՀՀ պաշտպանության նախարար Դավիթ Տոնոյանն այսօր լրագրողների հետ զրույցում անդրադարձավ ՀՔԾ պետի հայտարարություններին, թե Մարտի 1-ի իրադարձություններին ներգրավվել է բանակը:
«Զինված ուժերը Մարտի 1-ի գործողություններում ներգրավված են եղել, դա փաստ է: Արտակարգ դրության շրջանակներում իրենց պարտականությունն են իրականացրել: Թե ինչ է կատարվել դրանից ավել, նախաքննությունը կպարզի»,- ասաց ՊՆ ղեկավարը նշելով, որ իր կողմից գնահատական տալը ճիշտ չէ:
Հարցին՝ հնարավո՞ր է այդ բացահայտումն ազդի բանակի բարոյահոգեբանական վիճակի վրա, պաշտպանության նախարարը պատասխանեց.
«Բանակի բարոյահոգեբանական վիճակը միշտ բարձր է»։
