Այսօր Գյուղատնտեսության նախարարի հաշվետու մամուլի ասուլիսի ժամանակ լրագրողները Արթուր Խաչատրյանից հետաքրքրվեցին՝ Վրաստանի կողմից ցորենի տեղափոխման սահմանափակումներն ինչպե՞ս կանդրադառնան գների վրա:

Նախարարն ասաց, որ այդ սահմանափակումը գործում է բոլոր երկրների համար, և հիմնավորումն այն է, որ Լարսի անցումը մեծ մեքենաները վնասում են:

«Ներկայումս համապատասխան գերատեսչություններում բանակցություններ են ընթանում, որ որոշակի զեղչեր ստանան երկաթգծից, որ փոխադրման փոփոխությունն էական ազդեցություն չունենա ցորենի գների վրա: Եթե զեղչն էական լինի՝ գների թանկացում, հնարավոր է, չլինի, իսկ եթե զեղչ չլինի, որոշ հաշվարկներով՝ հնարավոր է՝ մեկ կիլոգրամը քսանհինգ դրամով թանկանա, բայց դա հոռետեսական ամենավատ հաշվարկներն են»,- ասաց նա:

Vesti.am