Վարչապետ Նիկոլ Փաշինյանի նման նույն կարծիքին է նաև Գյուղատնտեսության նախարար Արթուր Խաչատրյանը՝ հարյուր օրը «ադապտիացիայի շրջան էր»: Այդ մասին այսօր լրագրողների հետ հաշվետու ասուլիսի ժամանակ ասաց նախարարը՝ ամփոփելով պաշտոնավարման իր 100 օրը:
«Այս օրերի ընթացքում առաջնահերթ ենք համարել փոքր ու միջին գյուղացիական տնտեսություններին աջակցությունը: Խոսքը սոցիալական աջակցության մասին չէ, այլ որ պետական աջակցությունը սոցիալական աջակցությունից միտված է լինելու եկամտաբեր գյուղատնտեսության անցմանը: Երկրորդ առաջնահերթությունը հողերի խոշորացումն ու կոոպերացիայի խթանումն է եղել»,- նկատեց նա:
Բանախոսը հիշատակեց նաև ոռոգման կաթիլային համակարգերի անցման, անմշակ հողերի կրճատման անհրաժեշտության, խորհրդատվական ծառայությունների, սառնարանային տնտեսությունների զարգացման և այլնի մասին:
Vesti.am
