Լեռնային Ղարաբաղի հարցով ԵԱՀԿ մշտական խորհուրդն այսօր Վիեննայում հատուկ նիստ կանցկացնի՝ Մինսկի խմբի անդամների մասնակցությամբ, հայտնում է «РИА Новости»-ն։

Ինչպես և սպասվում է՝ Մինսկի խմբի համանախագահներ դեսպան Իգոր Պոպովը (Ռուսաստան), Ջեյմս Ուորլիքը (ԱՄՆ) և Պիեռ Անդրյուն (Ֆրանսիա)  խորհրդին կտեղեկացնեն իրավիճակի և հակամարտության կարգավորման ուղիների որոնման ուղղությամբ հետագա քայլերի մասին։

Բացի այդ, օրվա ընթացքում Մինսկի խմբի մասնակիցները, որում ներառված են նաև Հայաստանի, Ադրբեջանի, Բելառուսի, Գերմանիայի, Իտալիայի, Շվեդիայի, Ֆինլանդիայի և Թուրքիայի ներկայացուցիչներ, հանդիպումներ և խորհրդակցություններ կունենան։

ԵԱՀԿ մշտական խորհուրդն ամեն շաբաթ հավաքվում է Վիեննայում, որպեսզի քննարկի կազմակերպության երկրներում ընթացիկ իրադարձությունները և համապատասխան որոշումներ կայացնի: Այն հավաքվում է մասնակից երկրների մշտական ներկայացուցիչների մակարդակով` նախագահի գլխավորությամբ։

Վիեննայում անցկացվելիք նիստին անդրադարձել է նաև ռուսական «ОРТ» հեռուստաալիքը:

Vesti.am

Մանրամասները՝ տեսանյութում