Ղարաբաղյան հակամարտության կարգավորմանը հնարավոր է հասնել երկխոսության և փոխզիջման միջոցով։ Այդ մասին, «ТАСС»–ի փոխանցմամբ, լրագրողներին ասել է Ռուսաստանի Դաշնության պետդումայի խոսնակ Սերգեյ Նարիշկինը։
Նրա խոսքով՝ խաղաղության վերականգնումը հնարավոր է երկխոսության, փոխզիջման ճանապարհով:
«Հարկավոր է մշտապես երկու կողմերից հասնել այդ երկխոսությանն ու փոխզիջմանը»,-ասել է Պետդումայի խոսնակը:
Նարիշկինի խոսքով՝ Ռուսաստանն «այս շատ բարդ հակամարտության ողջ ընթացքում վարել և վարում է ինտենսիվ աշխատանք, նաև՝ Մինսկի խմբում՝ այդ հակամարտությունը կարգավորելու նպատակով»:
«Պետք է ասեմ, որ Ռուսաստանը, գուցե ավելի, քան այլ երկրներ, շահագրգռված է Հարավային Կովկասում խաղաղության վերականգնմամբ»,-ընդգծել է Պետդումայի խոսնակը:
Vesti.am
