Այսօր  ՀԱՊԿ մամլո քարտուղար Վլադիմիր Զայնետդինովը «Интерфакс-АВН»-ին հայտարարել է, որ Ադրբեջանի գործողությունները միայն սրում են իրավիճակը ԼՂՀ-ում:

«Ամեն ինչ պետք է որոշվի բանակցությունների շնորհիվ: Տվյալ դեպքում ադրբեջանական կողմի գործողությունները հանգեցնում են իրավիճակի և հակամարտության սրման»,- ասել է Զայնետդինովը:

Նա նշել է, որ ՀԱՊԿ գլխավոր քարտուղար Նիկոլայ Բորդյուժան և ՀԱՊԿ քարտուղարության ղեկավարությունը մշտական կապի մեջ են ՀՀ ղեկավարության հետ:

«Հանրապետության պաշտպանության նախարարությունից ստացել ենք սպառիչ տեղեկատվություն տեղի ունեցած բախման վերաբերյալ: Կարծում ենք, որ հայ-ադրբեջանական հակամարտությունը ռազմական լուծում չի կարող ունենալ»,- ասել է Վլադիմիր Զայնետդինովը:

Vesti.am