Դավիթ Համբարձումյանի անվան ջրացատկի մարզադպրոցի լողավազանում ավարտվեց լողի Հայաստանի պատանիների առաջնությունը, որին մասնակցել է 12 թիմի 120-ից ավելի լողորդ:
ՀԱՕԿ լրատվականի փոխանցմամբ, առաջնությունում գրանցել են ինչպես պատանիների, այնպես էլ մեծահասակների ռեկորդներ: Լևոն Մկրտչյանը 100 մետր համալիր և 200 մետր բրաս ոճերում հանրապետության մեծահասակների նոր ռեկորդ է սահմանել, իսկ Արթուր Բարսեղյանը թարմացրել է 100 մետր ազատ ոճի պատանիների բարձրագույն նվաճումը:
Առաջնության արդյունքով երկու լողորդ՝ Մայք Բրաունը և Շահեն Խոնդկարյանը, լրացրել են սպորտի վարպետի նորմա:
