ՌԴ տրանսպորտի նախարարությունը Եվրասիական տնտեսական հանձնաժողովի խորհրդին կներկայացնի օդային պատահարների հետաքննության եվրասիական հանձնաժողով ստեղծելու մասին միջկառավարական համաձայնագրի նախագիծը, որը պետք է Միջպետական ավիացիոն կոմիտեի նմանօրինակը լինի:
Սեպտեմբերի 11-ին ՌԴ տրանսպորտի նախարար Մաքսիմ Սոկոլովն այդ հարցը կքննարկի ԵՏՀ խորհրդի նախագահ Տիգրան Սարգսյանի հետ:
Ավելի վաղ Արևելյան տնտեսական համաժողովի ժամանակ Սոկոլովը հայտարարել էր, որ Ղրղզստանի, Ղազախստանի և Բելառուսի իր գործընկերները դրական են վերաբերում օդային պատահարների հետաքննության գծով հանձնաժողովի ստեղծմանը: Նրա խոսքով՝ նոր կառույցը կսկսի աշխատել 2018 թվականից:
Vesti.am
