Ռումինիայի Օրադեա քաղաքում ավարտվեց մինչև 20 տարեկանների Եվրոպայի B դիվիզիոնի առաջնության խմբային փուլը։
Հայաստանի երիտասարդական հավաքականը Ա ենթախմբում գրավեց վերջին 5-րդ հորիզոնականը։ Հայ բասկետբոլիստներն անցկացրած 4 հանդիպումներից միայն մեկում կարողացան հաղթանակ տոնել՝ առավելության հասնելով խմբի առաջատար Լեհաստանի նկատմամբ, հայտնում է Հայաստանի բասկետբոլի ֆեդերացիան:
Հայաստանի ընտրանին կշարունակի պայքարը 17-րդ տեղի համար։ Հուլիսի 21-ին Վիգեն էսկիջյանի սաները կմրցեն Ադրբեջանի ընտրանու հետ։ Հանդիպումը կհեռարձակվի «YouTube»-ով և կսկսվի Երևանի ժամանակով 12։45-ին։
