Անգլիական ֆուտբոլի լեգենդ Դևիդ Բեքհեմը մտադիր է կնոջը՝ հայտնի դիզայներ Վիկտորիա Բեքհեմին առաջին անգամ հանդիպելու 20-ամյակի առթիվ ինքնատիպ նվեր մատուցել: Գրում է «The Daily Mail»-ը:
Ֆուտբոլիստը պատրաստվում է կնոջ համար Կարիբյան ծովում գտնվող մասնավոր կղզիներից մեկը գնել՝ դրա համար վճարելով մոտ 10 մլն դոլար:
Հարցազրույցներից մեկում Վիկտորիա Բեքհեմը խոստովանել էր, որ բախտավոր է Դևիդի պես ամուսին ունենալու համար:
Երիտասարդ ֆուտբոլիստն ապագա կնոջը հանդիպել է 1997թ.՝ «Մանչեսթեր Յունայթեդի» խաղից հետո: Դրանից 2 տարի անց զույգն ամուսնացել է: Այժմ Դևիդ և Վիկտորիա Բեքհեմներն ունեն 4 երեխա:
