«Մանչեսթեր Յունայթեդի» ֆուտբոլիստներ Հենրիխ Մխիթարյանը,  Ջեսի Լինգարդն ու Անդեր Էրերան հյուրընկալվել են «Everything, but football» («Ամեն ինչ, բացի ֆուտբոլից») հաղորդաշարին:

Հաղորդաշարի նպատակն է բացահայտել, թե ինչպիսին են ֆուտբոլիստները խաղադաշտի սահմաններից դուրս:

Այն հարցին, թե ով է «Մանչեսթեր Յունայթեդի» ամենաուրախ ֆուտբոլիստը, Լինգարդը պատասխանել է, որ Մխիթարյանն է: Նույն պատասխանն է տվել նաև անձամբ Հենրիխը:

Ֆուտբոլիստների կարծիքով ամենանորաձև խաղացողը Պոլ Պոգբան է:

Հաջորդ հարցը այն մասին էր, թե թիմում ով է վատագույն խոհարարը: Մխիթարյանը պատասխանել է, որ կարողանում է բրինձ և սպագետի պատրաստել, բայց երբեք առիթ չի ունեցել պատրաստելու իր թիմակիցների համար:

Այնուհետև նույն հարցերին պատասխանել են նաև անգլիական ակումբի երկրպագուները՝ պարզելու համար, թե որքանով են իրականությանը մոտ ՄՅՈւ-ի ֆուտբոլիստների մասին նրանց պատկերացումները:

 Vesti.am