Ապրիլի 24-ին, Մոսկվայում Ռուսաստանի հայերի միության և ՌԴ կառավարության փոխհամաձայնությամբ տեղի կունենա հայ ժողովրդի զորակցության համաքաղաքական ցույց՝ «Հիշում և պահանջում եմ»:
Ցույցի նպատակն է հարգել Ցեղասպանության զոհերի հիշատակը և աջակցություն ցուցաբերել հանցագործության միջազգային դատապարտմանը՝ հետագայում ցեղասպանություններից խուսափելու նպատակով:
Ցույցն անցկացվելու է «Կրասնոպրեսնենսկայա Զաստավա» հրապարակում ՝ Մետրոյի «1905 փողոց» կայարանի մոտ:Ցույցի մեկնարկը՝ 13:30-ին:
Ապրիլի 23-ին, Վիսոցկու անվան թատերական կենտրոնում ՌՀՄ հովանավորության ներքո տեղի կունենա Մոսկվայի հայկական թատրոնի «Լույս Մարի. Ձոն երջանկության» ներկայացումը, որը նվիրված է Հայոց Ցեղասպանության տարելիցին:
Ներկայացումը պատմում է փոքրիկ աղջկա մասին, ով Ցեղասպանության ժամանակ կորցրել է իր հարազատներին, բայց չնայած ճակատագրի հարվածներին՝ շարունակում է ապրել և ուրախություն պարգևել շրջապատող մարդկանց:
Vesti.am
