«ՌԴ արտաքին գերատեսչությունում չեն բացառում Հայաստանի, Ռուսաստանի և Ադրբեջանի ԱԳ նախարարների եռակողմ հանդիպում անցկացնելու հնարավորությունը, սակայն դեռևս դրա նախապատրաստման վերաբերյալ կոնկրետ տեղեկություն չկա»,- «RT» հեռուստաալիքի փոխանցմամբ, հայտարարել է ՌԴ ԱԳ ներկայացուցիչ Մարիա Զախարովան և հավելել, որ կա դրա հավանականությունը:

«Լեռնային Ղարաբաղի հակամարտության կարգավորման վերաբերյալ այդպիսի հանդիպումների հավանականություն կա: Սակայն դեռևս կոնկրետ չկա այնպիսին, որի մասին կարելի էր ձեզ տեղեկացնել»,- մասնավորեցրել է Զախարովան:

ՌԴ ԱԳՆ ներկայացուցիչը չի բացառել նաև ղարաբաղյան հակամարտության թեմայի քննարկումը ՌԴ ԱԳ նախարար Սերգեյ Լավրովի և ԵԱՀԿ գլխավոր քարտուղար Լամբերտ Զաների հանդիպման ժամանակ:

Vesti.am