Ապրիլի 7-ին, Մոսկվայի Վավերագրական կինոյի կենտրոնում տեղի է ունեցել իսպանացի ռեժիսոր Միգել Անխել Նյեթոյի «Արարատի ստվերը» վավերագրական կինոնկարի շնորհանդեսի արարողությունը, որը կազմակերպվել էր ՌԴ-ում ՀՀ դեսպանության աջակցությամբ:

Ֆիլմը պատմում է  Սփյուռքի այն հայերի մասին, ովքեր,  հաջողության հասնելով իրենց ապաստան տրամադրած երկրներում և միջազգային ճանաչում ստանալով, մշտապես կապի մեջ են եղել Մայր Հայրենիքի հետ՝ իրենց կարողությունները ծառայեցնելով Հայաստանի զարգացմանը։

Ֆիլմը ներկայացնում է նաև Հայաստանի բազմադարյա պատմությունն ու մշակույթը, բավական ծավալուն կերպով անդրադարձ է կատարվում Հայոց ցեղասպանությանը:

Կինոնկարի ցուցադրումից առաջ հանդիսատեսին ողջույնի խոսքով դիմել է ՌԴ-ում ՀՀ արտակարգ և լիազոր դեսպան Վարդան Տողանյանը:

Vesti.am