Ինչպես ավելի վաղ տեղեկացրել էինք, ՀՀ քննչական կոմիտեն բացահայտել էր «Զանգեզուրի պղնձամոլիբդենային կոմբինատ» ՓԲԸ–ից շուրջ 73 մլն դրամի վառելիքի հափշտակության մեխանիզմը:

2015 թվականի մայիսին տեղի ունեցած խոշոր չափի հափշտակության մեջ մեղադրվող Գոռ Ստեփանյանը «Զանգեզուրի պղնձամոլիբդենային կոմբինատ» ՓԲԸ-ում աշխատանքի էր անցել նույն տարվա հունվարին, և նրա փաստաբան Գարիկ Խաչիկյանի համար անհասկանալի է, թե ինչպես կարող էր իր պաշտպանյալը 5 ամսում 1875 ուղեգիր ձեռք բերել, որոնց հիման վրա, ըստ քննչական կոմիտեի տարածած հաղորդագրության, դուրս է գրվել 69.820.548 ՀՀ դրամ:

Այսօր հրավիրված ասուլիսում փաստաբանը պնդել է, որ այս մեղադանքը որևէ փաստարկ չունի, քանի որ դեռ փորձաքննությունների եզրակացությունը չկա :

Մինչ 1875 ուղեգրի ձեռքբերումը Ստեփանյանը թվով 88 կեղծ փաստաթուղթ է վերցրել և  խարդախությամբ իրավունք ձեռք բերել 3.850.000 ՀՀ դրամի բենզինի և դիզելային վառելիքի նկատմամբ: Այս՝ ձեռք բերված գումարը գործարանի աշխատակիցը փոխհատուցել է և ստացվում է, որ որոշ չափով ընդունել է իր մեղքը: Սակայն, ըստ Ստեփանյանի փաստաբանի գումարը փոխհատուցվել է այն պատճառով, քանի որ Գոռ Ստեփանյանը ընդունում է, որ իր՝ այդ գործողությունների ընթացքում գործարանին վնաս է հասցվել, բայց դա, ըստ նրա, հափշտակություն անվանել չի կարելի:

-Չկան քրեական օրենսքրգով այն հիմքերը, ըստ որոնց Ստեփանյանին կալանքի տակ են պահում,-հայտարարել է փաստաբան Գարիկ Խաչիկյանը:

Vesti.am