Վերջին օրերին ղարաբաղա-ադրբեջանական շփման գծում հակառակորդի ձեռնարկած հարձակողական գործողությունները  լայն արձագանք են գտել նաև սփյուռքի աստղերի շրջանում: Ղարաբաղի նկատմամբ իրականացված ագրեսիան անտարբեր չի թողել Քարդաշյան քույրերին:

Հայտնի հեռուստաաստղ Քիմ Քարդաշյանը «Instagram»-ի իր պաշտոնական  էջում հայոց բանակի հաղթական ոգով  նկար է հրապարակել՝ տանկով ու ուղղաթիռներով և նկարը մակագրելով՝ «Աղոթում եմ Հայաստանում գտնվողների և աշխարհի բոլոր մարդկանց համար»:

Այս թեմային են անդրադարձել նաև Քիմի քույրերը՝ Քորթնին ու Քլոեն:

Քլոե Քարդաշյանը իր ֆեյսբուքյան պաշտոնական էջում գրել է՝ «Աղոթենք Հայաստանի համար: Աղոթենք խաղաղության համար։ Աղոթենք աշխարհի համար։ Թող Աստված լսի մեր աղոթքները»:

Նրան է միացել նաև Քորթնի Քարդաշյանը գրելով՝ «Աղոթում ենք Հայաստանի համար»:

Քիմի հրապարակած լուսանկարի տակ  կարճ ժամանակում ադրբեջանցի կիբերոհմակի ներկայացուցիչների հազարավոր մեկնաբանություններ են հայտնվել, որոնք սակայն փոքրամասնություն են կազմում, քանի որ Քիմի «Instagram»-ի հետևորդների թիվը ադրբեջանցիներին մի քանի անգամ գերազանցում է:

Vestia.am