«Իսլամական պետություն» ահաբեկչական խմբավորումը Թուրքիայի հրեական դպրոցներում, մանկապարտեզներում և երիտասարդական կենտրոններում ահաբեկչություններ իրականացնելու ծրագրեր է մշակել:  Այս մասին հաղորդում է բրիտանական «Sky news» հեռուստաընկերությունը:

Հեռուստաընկերության տվյալներով «անխուսափելի» հարձակումների մասին տեղեկատվությունը ստացվել է ձերբակալությունների արդյունքում, որոնք նախորդ շաբաթ տեղի են ունեցել թուրքական Գազիանտեպ  քաղաքում. ձերբակալվել է 6 իսլամիստ:

Ավելի հավանական է, որ ահաբեկիչների թիրախը ստամբուլյան Բեյօղլու շրջանի սինագոգն էր, որի տարածքում է գտնվում նաև դպրոցն ու մշակութային կենտրոնը:

«Մենք չգիտենք, թե կոնկրետ որ օրն է տեղի ունենալու ահաբեկչությունը: Այն կարող է տեղի ունենալ հաջորդ 24 ժամերի ընթացքում կամ մի քանի օր անց: Այդ սպառնալիքն ավելին է քան իրականը»,-ասել է  հետախուզական ծառայության աշխատակիցներից մեկը:

Թուրքիայի հրեական համայնքն արդեն տեղեկացված է հնարավոր սպառնալիքի մասին: Բացի այդ թուրքական ոստիակնությունը որոշում է կայացրել անվտանգության լրացուցիչ միջոցների վերաբերյալ:

Vesti.am