Ադրբեջանում ձերբակալվել է  ընդդիմադիր քաղաքական գործիչ, «Ժողովրդական ճակատ» կուսակցության (APFP) նախագահ Ալի Քերիմլին։ Այդ մասին հաղորդում են ադրբեջանական տարբեր լրատվամիջոցներ՝ հղում անելով կուսակցության ակտիվիստներին։ Նշվում է նաև, որ Քերիմլիի տանը խուզարկություններ են անցկացվել։

Ալի Քերիմլին 2000 թվականից Քերիմլին ղեկավարում է Ադրբեջանի «Ժողովրդական ճակատ» կուսակցությունը, որն համարվում է երկրի հիմնական ընդդիմադիր ուժերից մեկը:

Իշխանամերձ haqqin.az-ը, հղում անելով  իրավապահ մարմինների իր աղբյուրներին, նշում է, որ Ալի Քերիմլինի նկատմամբ իրականացվող օպերատիվ-հետախուզական միջոցառումները կապված են Ադրբեջանի  նախագահի վարչակազմի նախկին ղեկավար Ռամիզ Մեխթիեւի գործի հետ։