Նիկոլ Փաշինյանը գործարար համայնքի հետ հանդիպմանը հայտարարել է, որ Հայաստանում մտածողություն է փոխվում, ընդ որում՝ ինչպես կառավարության, այնպես էլ գործարար համայնքի մոտ։
Ջերմուկում ընթացող «Գործարար միջավայրի բարելավումը երկխոսության միջոցով» խորագրով երկրորդ աշխատաժողովին նա հայտարարել է, որ Հայաստանը մտնում է տնտեսական զարգացման նոր փուլ, որտեղ տնտեսական քաղաքականության ձևավորման, տնտեսական գործունեությամբ զբաղվելու ձևերը պետք է առնվազն վերանայվեն ու այն համապատասխանեցվեն ոչ թե այսօրվան, այլ կարճաժամկետ ու երկարաժամկետ ապագային։
«Մենք 2026 թ-ի առաջին նիստում կընդունենք տնտեսական քաղաքականության դոկտրինը, որի նախագիծը վերջնականացման փուլում է։ Այնտեղ կմատնանշենք, որ թե Հայաստանի տնտեսությունը մինչև 2050 թ-ը ինչ հիմնական ուղղությունների վրա պետք է աշխատենք, որ մեր տնտեսությունը լինի ավելի մրցունակ և զարգացող՝ հենվելով այն տրամաբանության և գիտակցության վրա, որ ՀՀ պետական շահը տնտեսական զարգացումն է»։
