Ընդդիմադիր «Հզոր Վրաստան – Լելո» կոալիցիայի առաջնորդներից մեկը՝ Ալեկո Էլիսաշվիլին, այսօր առավոտյան՝ լուսաբացին, ձերբակալվել է այն բանից հետո, երբ փորձել է հրկիզել Թբիլիսիի քաղաքային դատարանի գրասենյակի շենքը, հայտնում է Վրաստանի Առաջին ալիքը՝ հղում անելով երկրի ՆԳՆ-ին։
«Քննությունը պարզել է, որ այս տարվա նոյեմբերի 29-ին՝ լուսաբացին, Ալեքսանդր Էլիսաշվիլին, քողարկված, մուրճով կոտրել է Թբիլիսիի քաղաքային դատարանի գրասենյակային շենքի արտաքին ճակատի ապակին, մտել շենք, որտեղ ներսը լցրել է բենզինով, այդ թվում՝ գրասենյակային պարագաներով, սարքավորումներով և փաստաթղթերով և փորձել է հրդեհել շենքը։
Նա ձերբակալվել է դեպքի վայրում դատական կարգադրիչ ծառայության ներկայացուցիչների կողմից, ում Էլիսաշվիլին դիմադրություն է ցույց տվել՝ կիրառելով իր մոտ եղած հրազենը և ֆիզիկական բռնություն։ Չնայած ցուցաբերված դիմադրությանը, Ալեքսանդր Էլիսաշվիլին տեղում ձերբակալվել է դատական կարգադրիչների կողմից։
Դատական կատարողներից մեկը՝ բախման ժամանակ ստացած վնասվածքներով տեղափոխվել է հիվանդանոց։ Ալեքսանդր Էլիսաշվիլին նույնպես վնասվածք է ստացել ձերբակալության ժամանակ՝ դիմադրության պատճառով։
Հանցագործության մեջ օգտագործված զենքերը ոստիկանության կողմից առգրավվել են որպես ապացույց։ Ներկայումս հետաքննություն է ընթանում Քրեական օրենսգրքի 19-187-րդ հոդվածի համաձայն», - ասվում է Ներքին գործերի նախարարության հայտարարության մեջ։
