Ռուսաստանի նախագահ Վլադիմիր Պուտինը Երիտասարդ գիտնականների 5-րդ համագումարի մասնակիցների հետ հանդիպման ժամանակ հայտարարել է, որ ստեղծագործական աշխատանքից ավելի հաճելի բան չկա, հաղորդում է «ՌԻԱ Նովոստի»-ն։
Ռուսաստանի նախագահը շնորհավորել է երիտասարդ գիտնականներին կոնգրեսին մասնակցելու կապակցությամբ, շնորհակալություն հայտնել հանդիպման ժամանակ ծավալված զրույցի համար և հաջողություններ մաղթել գիտական, հետազոտական և արդյունաբերական աշխատանքներում։
«Երջանիկ լինելու համար ամենակարևորը ապահովելն է, որ այն, ինչ անում ես, բավարարվածություն պատճառի և ստեղծագործաբար անես։ Ստեղծագործ աշխատանքից ավելի հաճելի բան չկա։ Մարդիկ անընդհատ մտածում են, ձգտում, որոնում, գտնում, ապա տեսնում են, որ իրենց գաղափարները կյանքի են կոչվում գործնականում և օգուտ են բերում։ Ես կարծում եմ, որ սա այն բանն է, որին պետք է ձգտել և մաղթում եմ ձեզ նման արդյունքներ՝ ինչպես ձեր կոնկրետ հետազոտություններում, այնպես էլ ձեր կյանքում ընդհանրապես», - ասել է Պուտինը Երիտասարդ գիտնականների 5-րդ համագումարի մասնակիցների հետ հանդիպման ժամանակ։
