Հնդկաստանի հարավային Անդհրա Պրադեշ նահանգի Սրիկակուլամ քաղաքի տաճարում նոյեմբերի 1-ի առավոտյան տեղի ունեցած հրմշտոցի հետևանքով առնվազն 9 մարդ է զոհվել:
«Արմենպրես»-ի փոխանցմամբ՝ այս մասին հայտնում է Reuters-ը՝ հղում անելով Հնդկաստանի կառավարության պաշտոնյաներին։
Հավատացյալները հավաքվել էին Սրիկակուլամ քաղաքի Սրի Վենկատեշվարա Սվամի տաճարում՝ Էկադաշի օրը (խմբ. Հինդուական օրացույցում յուրաքանչյուր լուսնային ամսում կիսալուսնին և նորալուսնին հաջորդող 11-րդ օրը):
Նշվում է, որ շուրջ 25 հազար հավատացյալներ են հավաքվել տաճարում, որը կարող էր տեղավորել ընդամենը մոտ 2000 մարդու, ինչն էլ հանգեցրել է հրմշտոցի: Շրջանային պաշտոնյաներին հանձնարարվել է բժշկական օգնություն ցուցաբերել վիրավորներին։
Հաղորդվում է 18 վիրավորի մասին:
Կանցկացվի ողբերգական միջադեպի հետաքննություն:
