Վրաստանը նպաստում է Ադրբեջանի և Հայաստանի միջև երկխոսությանը, հայտարարել է Վրաստանի արտաքին գործերի նախարար Մակա Բոչորիշվիլին՝ Ադրբեջանի արտաքին գործերի նախարար Ջեյհուն Բայրամովի հետ համատեղ մամուլի ասուլիսում։
«Մենք ողջունում ենք խաղաղության համաձայնագրի ուղղությամբ ձեռնարկված քայլերը։ Վրաստանը անկեղծորեն հետաքրքրված է մեր տարածաշրջանում խաղաղություն հաստատելու հարցում։ Ապրիլի 17-ին մենք հնարավորություն ունեցանք հյուրընկալելու երեք երկրների արտաքին գործերի փոխնախարարների հանդիպումը։ Մենք կարծում ենք, որ ունենք եռակողմ համագործակցությունը զարգացնելու ներուժ։ Մեր երկրների միջև համագործակցությունը գնալով ավելի կարևոր է դառնում», - նշել է վրացի նախարարը։
Աղբյուրը՝ aysor.am
