MFC 1 մրցաշարի Matchmaker Լևոն Հակոբյանն օրերս հարցազրույց է տվել Exclsuive.am-ին։ Հաշվի առնելով հարցազրույցի կարևորությունն այն ամբողջությամբ արտատպում ենք Vesti.am-ում։

Հարգելի՛ Լևոն, կխնդրեինք ներկայացնեք, թե ինչպես անցավ MFC 1 մրցաշարը և արդյոք արդարացվեցին Ձեր սպասումները։

Այո, կարծում եմ MFC 1 մրցաշարը արդարացրեց բոլորիս սպասումները և միջազգային մեծ արձագանք բերեց մեզ։

MFC 1 մրցաշարը երկար սպասված էր, քանի որ իր տեսակով և կազմակերպչական աշխատանքներով բացառիկ էր Հայաստանի սպորտային պատմության մեջ։

MFC ակումբի հիմնադիր-նախագահ Ռոբերտ Ղազանչյանի գլխավորությամբ Երևանում կայացավ մեգա սպորտային երեկո։

Արտերկրից ժամանող մարզիկների պահով ունեցանք բարդ իրավիճակ չվերթների հետ կապված՝ ՌԴ-ի և Ուկրաինայի պատերազմով պայմանավորված։

Չնայած այդ ամենին չխնայելով ոչ մի բան լուծեցինք այդ առաջացած խնդիրները։

Մրցաշարը համարում եմ ստացված, քանի որ Հայաստանի պատմության մեջ առաջին անգամ մեծ ռինգում մասմակցություն ունեցան համաշխարհային հայազգի մարզիկներ՝ Հարութ Գրիգորյան, Արմեն Պետրոսյան, Ժորա Հակոբյան, որոնք հանդես են եկել համաշխարհային մեծ մրցաշարերում՝ Glory, One Championship,Enfusion:

Նշված մարզիկները ունեն համաշխարհային ճանաչում և նվաճել են մի շարք աշխարհի տիտղոսային գոտիներ։

Նաև ունեցել ենք հատուկ հյուրեր, որոնց մեջ կարող եմ թվարկել համաշխարհային ճանաչում ունեցող մարզիկներ ՝ 

բռնցքամարտիկ Կարո Մուրադ, քիք բռնցքամարտիկ Ջիորջիո Պետրոսյան, հայազգի լեգենդ UFC մարզիկ 

Մանի Գամբուրյան, Ռուսաստանի Դաշնությունում բնակվող MMA մարզիկ Ռաֆայել Աբրահամյանը:

Ներկա էին նաև

Եգիպտոսի կիք-բոքսի ֆեդերացիայի նախագահ Մոհամեդ Սոբիհը, ինչպես նաև ԱՄՆ-ից բացառիկ համաշխարհային ճանաչում ունեցող սպորտի մեծ բարեկամ 

Lightsout-ի հիմնադիրը՝ Ջորջ Բաստմաջյան։

Super Nova- ի հիմնադիր Դանիել Գերարդ։

Մրցաշարին նաև մասնակցել են այլ երկները ներկայացնող աշխարհի  չեմպիոն մարզիկներ: 

- Շատ լավ Լևոն, իսկ ինչ կասեք հետագա քայլերի մասին, ինչ հեռանկարներ ունեք և արդյոք Հայաստանում տվյալ մրցաշարեր իրականացնելը արդյունավետ կամ շահավետ են։

Իսկապես շատ կարևոր հարց տվեցիք։

Կարծում եմ ֆինանսական կտրվածքով իհարկե Հայաստանում ձեռնատու չի, քանի որ չունենք մեծ և ժամանակակից սպորտային համալիրներ: Եվ իհարկե հասարակությունն նույնպես դեռ պատրաստ չէ այսպիսի մրցաշարերին, բայց կարծում եմ մեզ դա կհաջողվի Հայաստանում նույնպես ստեղծել մեծ «Fun Club » տվյալ սպորտաձևերում։

Այսպիսի մրցաշարեր կազմակերպելու համար պետք են մեծ գումարներ և իհարկե հովանավորներ, քանզի առանց այս երկու գործոնի անհնար է այսպիսի մրցաշար անցկացնել։

Օգտվելով առիթից շնորկակալություն եմ հայտնում մեր մրցաշարի գլխավոր հովանավոր vbet ընկերությանը։

Ինչն վերաբերվում է հետագա մրցաշարերին, ապա մենք այժմ նախապատրաստական աշխատանքների մեջ ենք և առաջինն կարող եմ տեղեկացնել, որ սույն թվականի

մայիսի 15- ին ՌԴ Սամարա քաղաքում կազմակերպել ենք Open Fighting Championship- ի հետ համատեղ շատ մեծ մրցաշար և շուտով կհրապարակեք թե ովքեր են մասնակցելու մրցաշարին:

2022 թվականին մենք հանդես կգանք 2-3 մրցաշարերով, թե Հայաստանից դուրս, թե Հայաստանում։

Ուզում եմ տեղեկացնել նաև, որ այսուհետև մեր մրցաշարերում մենք հանդես ենք գալու EFC (Exclusive Fighting Championship) անվանումով , քանի որ MFC ֆորմատը և կանոնադրությունը վերաբերվում է միայն ակումբին, որի նպատակային գործունեությունն այլ է։

- Շնորհակալ ենք Լևոն այսպիսի մեծ տեղեկատվության համար։

Ձեզ մաղթում ենք նորանոր վերելքներ և մեծ հաղթանակներ։