Foto

Բարձրաստիճան զինվորականներին քաղաքական դրդապատճառներով պաշտոններից ազատելը տեղավորվում է Վաղարշակ Հարությունյան-Անդրանիկ Քոչարյան գծի շրջանակում. Աբրահամյան

Զորամասերի հրամանատարներին, տարբեր բարձրաստիճան զինվորականներին քաղաքական դրդապատճառներով զբաղեցրած պաշտոններից, ծառայությունից ազատելն ամբողջությամբ տեղավորվում է Վաղարշակ Հարությունյան-Անդրանիկ Քոչարյան գծի շրջանակներում, ֆեյսբուքյան էջում գրել է «Հենակետ» վերլուծական կենտրոնի ղեկավար, «Պատիվ ունեմ» դաշինքի անդամ Տիգրան Աբրահամյանը:

«Թիրախում են հայտնվելու բոլոր նրանք, ովքեր սրանց քաղաքական հրահանգները չեն կատարում, տեղերում Փաշինյանի համար «մասովկա» չեն ապահովում։ Դրան հակառակ խրախուսվում են ծառայության ժամերին, քաղաքացիական հագուստով, «լայն մասսաների» դեր կատարող տարբեր ուժայիններ և նրանց ենթակա անձնակազմ, այդ թվում՝ ռազմական ոստիկանության աշխատակիցներ ներգրավելու նախաձեռնությունները։

Հեռու մնացեք զինվորականներից, չափներդ վաղուց անցել եք, իսկ կարմիր գծերը բազմակի անգամ հատել։
Պարոնա՛յք սպաներ, գլուխներդ բարձր պահեք, լավ գիտեմ, թե ինչ է ձեզանից շատերի համար պատիվն ու արժանապատվությունը ու գիտեմ, թե դա պաշտպանելու համար ինչի եք պատրաստ», - գրել է Աբրահամյանը։