ԱԺ «Իմ քայլը» խմբակցության ղեկավար Լիլիթ Մակունցը խորհրդարանում հրաժարվեց պատասխանել լրագրողների հարցերին` ասելով, թե հարցերի չի պատասխանում:

Հարցին՝ իրենց ուժը որոշում ունի՞ արտահերթ ընտրություններ անցկացնելու համար, նա ասաց՝ մեկնաբանություն չունեմ:

Հարցին էլ՝ ինչպես պետք է ճգնաժամը, խնդիրը հանգուցալուծվի, նա ասաց.  «Այն մթնոլորտը, որը կա այսօր ՀՀ-ում և այն մթնոլորտում, որտեղ որևէ միտք, գաղափար նորմալ առողջ քննարկման չի ենթարկվում և նորմալ երկխոսություն չի ձևավորվում, նման պայմաններում ես ժամանակավորապես որևէ հանրային մեկնաբանություններ չեմ տալու: Առաջարկում եմ, որ մեր լրատվամիջոցները նույնպես նպաստեն այդ առողջ մթնոլորտի ձևավորմանը»,- ասաց Մակունցը լրագրողներին՝ չպատասխանելով հարցերին:

Նշենք, որ ԱԺ իշխող «Իմ քայլը» խմբակցությունը խորհրդարանում փակ նիստ է անցկացնում։ Խմբակցությունը քննարկում է ստեղծված իրավիճակն ու առաջիկա անելիքները։

Աղբյուրը՝ Tert.am