Foto

Արոնյանը Banter Series Final առցանց մրցաշարի քառորդ եզրափակչում է

Հայկական շախմատի առաջատար Լևոն Արոնյանը դուրս է եկել Banter Series Final առցանց մրցաշարի 1/4 եզրափակիչ:

«Արմենպրես»-ի հաղորդմամբ` օնլայն մրցաշարի 1/8 եզրափակչում Արոնյանը մրցել է Անգլիան ներկայացնող Քևին Ջոնսի հետ ու 8 պարտիաներից հետո գերազանցել մրցակցին 5,5։2,5 հաշվով։ Հաջորդիվ Արոնյանի մրցակիցն այս մրցաշարում Ալեքսանդր Գրիշչուկ-Ռաուֆ Մամեդով զույգի հաղթողն է։

Ավելի վաղ  Լևոն Արոնյանը դարձել է Գերմանիայի ակումբային առաջնության չեմպիոն: Գերմանիայի շախմատի ակումբային առաջնության չեմպիոն է դարձել «Բադեն-Բադեն» թիմը, որի կազմում Արոնյանը խաղացել է 4 պարտիա և բոլորում գրանցել ոչ-ոքիներ:

Բունդեսլիգան բաղկացած է 7 տուրից: Արոնյանի «Բադեն-Բադենը» հաղթել է բոլոր տուրերում, և սա թիմի 14-րդ հաղթանակն էր առաջնությունում: