Foto

Ադրբեջանի շուրջ պետք է շարունակաբար սեղմել դիվանագիտական օղակը

Սաֆարովի գործով ՄԻԵԴ այսօրվա վճիռն իրականում լրջագույն առավելություններ կարող է տալ Հայաստանի արտաքին քաղաքականությանը՝ Արցախյան հարցի համատեքստում։ Այս մասին Արմեն Աշոտյանը գրում է ֆեյսբուքյան իր էջում:

«Այս վճռի մի շարք դրույթներ պետք է դառնան երկրի կռվաններից մեկը՝ խորհրդարանական դիվանագիտությունից մինչեւ գործադիր իշխանություն։

Ադրբեջանի շուրջ պետք է շարունակաբար սեղմել դիվանագիտական օղակը՝ նոր նախաձեռնություններով եւ հարցադրումներով։ Սա պետք է անել խելացի եւ կանոնակարգված ձեւով։

Ուստի ԱԳՆ-ն պարտավոր է վճռի վերջնական տեքստը ստանալուց հետո փակ աշխատանքային քննարկում նախաձեռնել՝ հրավիրելով Գուրգեն Մարգարյանի շահերի պաշտպաններին (կեցցե՜ն իրենք), առաջատար միջազգայնագետներին եւ իրավաբաններին, խորհրդարանական ներկայացուցիչներին, մշակելու համար միասնական, համակարգված եւ հիմնավոր ռազմավարություն այս հարցով։

Որպես իսկական հայ սպա, լուսահոգի Գուրգեն Մարգարյանն անգամ իր ողբերգական մահից հետո շարունակում է ծառայել Հայրենիքին։ Վառ պահեք իր հիշատակը եւ չմսխեք այն»։