Հայաստանի Հանրապետության և Եվրոպական Միության միջև ստորագրված «Համապարփակ և ընդլայնված գործընկերության մասին» համաձայնագիրը 2018 թվականի հունիսի 29-ին միաձայն քվեարկությամբ վավերացվեց նաև Լեհաստանի Սենատի կողմից:  Այդ մասին իր ֆեյսբուքյան էջում գրել է Լեհաստանում ՀՀ արտակարգ և լիազոր դեսպան Էդգար Ղազարյանը:

Հունիսի 7-ին Լեհաստանի Սեյմն արդեն վավերացրել էր ՀՀ-ԵՄ համաձայնագիրը: Սենատի վավերացմամբ Լեհաստանը համարվում է համաձայնագիրը պաշտոնապես վավերացրած երկիր: