Foto

Դատական իշխանությունների անկախությունը պետք է պաշտպանվի պետության կողմից. Լարիս Ալավերդյանը հանրաքվեի մասին

Այն, ինչ արվում է իշխանության եկած խմբի կողմից, ավելի շատ նմանվում է քայքայիչ աղանդների գործունեության։ Դրա գերնպատակը հասարակության բզկտումն է, սոցիալական համերաշխությունից հեռանալը, «Սահմանադրական անվտանգություն․ մարտահրավերներ և լուծումներ» խորագրով քննարկմանն ասաց ՀՀ առաջին ՄԻՊ Լարիսա Ալավերդյանը։

«Մինիմում ծրագիրը երկրում քաոս ստեղծել է՝ լինի սահմանադրական, սոցիալական, թե իրավական։ Ինձ անհանգստացնում է ընտրովի արդարադատությունը։ Հիմա մենք ունենք Սահմանադրության ընտրովի օգտագործում։ Այս ԱԺ-ն, այս վարչապետն ու կառավարությունը լեգիտիմ չեն։ Մենք ստղծում ենք աննախադեպ նախադեպ, որը մեզ տապալում է։ Սա վտանգում է մեր զարգացումը»,-ասաց բանախոսը։

Լարիսա Ալավերդյանը հռետորական հարց հնչեցրեց՝ միջազգային սկզբունքները մեզ համար գոյություն ունե՞ն, իշխանությունները «բանի տեղ» դնո՞ւմ են միջազգային կառույցների գնահատականները։

«Դատական իշխանությունների անկախությունը պետք է պաշտպանվի պետության կողմից։ Ես, որպես առաջին ՄԻՊ, հայտարարում եմ, որ մենք շարունակելու ենք մեր 30 տարվա աշխատանքը՝ գիտակից քաղաքացի կերտելու դաշտում»,-ասաց նա։

Աղբյուրը՝ Aysor.am