Foto

ԵԽԽՎ. Ադրբեջանը՝ լրագրողների համար ամենաթշնամի երկրների շարքում

Ադրբեջանի իշխանությունները պարտավոր են անհապաղ դադարեցնել լրագրողների նկատմամբ բռնաճնշումները, երաշխավորել խոսքի ազատությունն ու իրական քայլեր ձեռնարկել այս ոլորտում Եվրախորհրդի առջև ստանձնած պարտավորություններն իրագործելու համար, արձանագրել է այսօր ԵԽԽՎ-ում ընդունված բանաձևը՝ «Եվրոպայում լրագրողների և լրատվամիջոցների ազատությանը սպառնացող վտանգների» մասին:

Մանրամասն անդրադառնալով Ադրբեջանում տիրող իրավիճակին՝ փաստաթուղթն արձանագրել է՝ Ադրբեջանը անկախ լրագրողների համար ամենաթշնամական երկրների շարքում է. անցած տարիներին այդ երկրում շուրջ երկու տասնյակ լրագրող քրեական հետապնդման է ենթարկվել, մի քանիսն այսօր էլ շարունակում են մնալ ճաղերի ետևում:

Հետապնդելով ընդդիմախոսներին՝ պաշտոնական Բաքուն միաժամանակ անվճար բնակարաններ է տրամադրել կառավարամետ ավելի քան 400 լրագրողների, ինչը «կոռուպցիայի ակնհայտ դրսևորում» է, նշված է զեկույցում:

Վաղն էլ Վեհաժողովում քվեարկության կդրվի Ադրբեջանին քննադատող մեկ այլ փաստաթուղթ՝ երկրում առկա քաղբանտարկյալների մասին: