Foto

Կարո Փայլանի ջանքերով հեռացվել են Քոնիայի կանգառներում փակցված հակաքրիստոնեական պաստառները

Թուրքիայի խորհրդարանի հայ պատգամավոր Կարո Փայլանը Քոնիայի կանգառներում հակաքրիստոնեական գրություններով պաստառների հետ կապված հեռախոսազրույցներ է ունեցել Քոնիայի քաղաքապետարանի պատասխանատուների հետ։
Կարո Փայլանը Twitter–ի իր էջում գրել է. «Խոսեցի Քոնիայի քաղաքապետարանի պատասխանատուների հետ։ Հակաքրիստոնեական եւ հակահրեական բովանդակություն ունեցող պաստառները հեռացվել են Քոնիայի կանգառներից։ Շարունակում ենք պայքարը ռասիզմի եւ խտրականության դեմ»։
Նշենք, որ Քոնիայի կանգառներում պաստառներ են հայտնվել, որտեղ գրված է. «Մի ընկերացեք քրիստոնյաների ու հրեաների հետ։ Նրանք իրար բարեկամ են։ Եթե նրանց հետ ընկեր եք, ուրեմն նրանցից եք։ Աստված ճիշտ ճանապարհ չի տալիս անիրավներին»։