Foto

Տավուշում նախորդ տարվա համեմատ 1000 տոննայից ավելի խաղող է մթերվել

Տավուշի մարզում ավարտվել են խաղողի մթերման աշխատանքները։

Մարզպետարանից տեղեկացնում են, որ մթերում են կատարել «Երևանի կոնյակի գործարան» ՓԲԸ-ի Բերդի մասնաճյուղը, «Իջևանի գինու և կոնյակի գործարան» ԲԲԸ-ն, «Երևանի շամպայն գինիների գործարան» ԲԲԸ-ի Դեբեդավանի գինու գործարանը, «Բերդավանի գինու գործարան» ԲԲԸ-ն և «Էկոգարդեն» ՍՊԸ-ն։

Մթերվել է ընդհանուր թվով 6777 տոննա խաղող նախորդ տարվա 5762 տոննայի դիմաց։ Մթերված բերքի մեկ կիլոգրամի արժեքը կազմել է 150-160 դրամ։