Foto

Հայտնի և սիրված երգեր, շքեղ շոու ծրագիր՝ Իվետա Մուկուչյանի մասնակցությամբ

Ամառային սեզոնի բացման առիթով հունիսի 12-ին «Ֆլորենս» ռեստորանում տեղի ունեցավ բացօթյա համերգային-շոու ծրագիր երգչուհի Իվետա Մուկուչյանի մասնակցությամբ:

Միջոցառման ընթացքում «Ֆլորենս» ռեստորանի շեֆ-խոհարարի կողմից ԶԼՄ ներկայացուցիչների համար ներկայացվեց հատուկ սեթ-մենյու յուրօրինակ ուտեստների ընտրանիով. թարխունով և խաղողով աղցան, սառը և տաք նախուտեստներ՝ հորթի մսով և ֆետա պանրով, ինվոլտին հավով և պրոշուտտոյով, Ֆիլե մինյոն սնկի սոուսով և ծնեբեկով:

Երգչուհի Իվետա Մուկուչյանը իր հայտնի և սիրված երգերով, շքեղ շոու ծրագրով և պարային համարներով ապահովեց մասնակիցների բարձր տրամադրությունն ու ջերմ մթնոլորտը։
Հաճելի էմոցիաներով և դրական ակնթարթներով լի երեկոյի երաժշտական խճանկարը ամբողջացրեց «ֆլորենս բենդն» իր անզուգական կատարումներով:

Իվետա Մուկուչյանը ծնվել է 1986 թվականի հոկտեմբերի 14-ին: 2009 թվականին ընդունվել է Կոմիտասի անվան պետական կոնսերվատորիայի ջազ-վոկալ բաժին: 2010թ. մասնակցել է «Շանթ» հեռուստաընկերության «Հայսուպերսթար» նախագծին և զբաղեցրել 5-րդ տեղը: 2011թ. Մոսկվայի «Արմենիա» հայկական ամենամյա երաժշտական մրցանակաբաշխության ժամանակ արժանացել է «Տարվա հայտնություն» մրցանակին: Իվետա Մուկուչյանը նաև անգլերեն և գերմաներեն մի շարք երգերի հեղինակ է: 2011թ. Գերմանիայում մասնակցել է «Համբուրգի ձայն» երաժշտական մրցույթին և զբաղեցրել 3-րդ տեղը: Իսկ 2012թ. մասնակցել է «Գերմանիայի ձայն» երաժշտական մրցույթին՝ առաջին փուլում ներկայացնելով Լորինի «Euphoria» երգը: 2016թ. Շվեդիայի մայրաքաղաք Ստոկհոլմում «LoveWave» երգով ներկայացրել է Հայաստանը «Եվրատեսիլ» երգի միջազգային մրցույթում, զբաղեցրել է 7-րդ հորիզոնականը: