Foto

Գիտանաս Նաուսեդան՝ Լիտվայի նոր նախագահ

Տնտեսագետ Գիտանաս Նաուսեդան համոզիչ հաղթանակ է արձանագրել կիրակի օրը Լիտվայում կայացած նախագահական ընտրությունների երկրորդ փոլում: Քվեների կեսից ավելիի հաշվարկից հետո Նաուսեդան ստանում է լիտվացի ընտրողների քվեների 72, իսկ նրա մրցակից, լիտվական խորհրդարանի` Սեյմի պատգամավոր Ինգրիդա Շիմոնիտեն՝ 26 տոկոսը:

Նաուսեդան 55 տարեկան է, նախկինում եղել է Լիտվայի Կենտրոնական բանկի վարչության անդամ, դասավանդում է Վիլնյուսի համալսարանում: