Foto

Բաքուն դիմում է միջազգային կազմակերպություններին՝ Հայաստանի սահմանն անցած քաղաքացուն վերադարձնելու համար

Բաքուն միջազգային կազմակերպությունների աջակցությունն է խնդրում Հայաստանի սահմանն անցած քաղաքացուն հայրենիք վերադարձնելու համար:
Ադրբեջանի ռազմագերիների, փախստականների և անհետ կորածների հարցերով հանձնաժողովը հայտարարում է, թե վերջինս տառապում է հոգեկան հիվանդությամբ, հաշվառված է Ղազախի հոգեբուժական շրջանային հիվանդանոցում և մոլորվելու հետևանքով է հայտնվել Նոյեմբերյանի շրջանում:
Ավելի վաղ Հայաստանի պաշտպանության նախարարությունը հաղորդել էր, որ անցած գիշեր հյուսիսարևելյան սահմանագոտում հայ դիրքապահների կողմից հայտնաբերվել, նախազգուշացվել և նախազգուշացմանը չենթարկվելուց հետո վնասազերծվել է Ադրբեջանի քաղաքացի, 1986թ․ ծնված Էլվին Արիֆ Օղլու Հիբրագիմովը։ Ըստ պաշտոնական հաղորդագրության, վերջինս ստորին վերջույթի հրազենային վիրավորումից հետո տեղափոխվել է բուժհաստատություն, կյանքին վտանգ չի սպառնում։ Հայկական կողմը քրեական գործ է հարուցել`հանգամանքները պարզելու համար: