Foto

Իրանում ահաբեկչության հետևանքով առնվազն 41 զոհ կա

Առնվազն 41 մարդ է զոհվել Իրանի հարավ-արևելքում մահապարտ ահաբեկչի իրականացրած պայթյունի հետևանքով։ Այս մասին «Ազատությանը» հայտնեց «Ազատություն» ռադիոկայանի պարսկական ծառայության թղթակից Ռուբիկ Ղահրաման Մոնասյանը:

Իրանական լրատվական գործակալությունների փոխանցմամբ՝ հարձակման պատասխանատվությունը ստանձնել է սուննի մահմեդական անջատողական «Ջաիշ ալ-Ադլ» («Արդարության բանակ») խմբավորումը։

Մահապարտ ահաբեկիչը պայթուցիկով բեռնված մեքենայով բախվել է ավտոբուսին, որը Իսլամական հեղափոխության պահապանների կորպուսի անդամների էր տեղափոխում։

Երեկ հաղորդվում էր ահաբեկչության հետևանքով 20 զոհվածների և մի քանի տասնյակ վիրավորների մասին: