Foto

Կցորդիչով և կիսակցորդիչով բեռնատարների համար փակ է Գուդաուրի-Կոբի ճանապարհահատվածը

Վրաստանում Հայաստանի դեսպանության Facebook-ի էջից տեղեկանում ենք, որ Ստեփանծմինդա-Լարս անցակետի ռուսական հատվածում ժամանակավորապես դադարեցվել է բեռնատարների մուտքը դեպի Վրաստան.

«Տեղեկացնում ենք, որ մերկասառույցի պատճառով կցորդիչով և կիսակցորդիչով բեռնատարների համար փակ է Վերին Լարս տանող Գուդաուրի-Կոբի ճանապարհահատվածը։

Այդ իսկ պատճառով այժմ Ստեփանծմինդա-Լարս անցակետի ռուսական հատվածում ժամանակավորապես դադարեցվել է բեռնատարների մուտքը դեպի Վրաստան։

Մարդատար ավտոմեքենաների համար և՛ անցակետը, և՛ Գուդաուրի-Կոբի ճանապարհատվածը բաց են։

Խորհուրդ ենք տալիս երթևեկել միայն ձմեռային անվադողերով»։